Қазақ халқының тәрбие құралдарының бірі — тыйым сөздер. Бұл сөздер ескі кірген балабаларға жаман әдет, жат пиғыл, орынсыз қылық, теріс мінездерден сақтандырып отырған. Оқырман назарына Сейіт Кенжеахметұлының «Жеті қазына» кітабында жинақталған тыйым сөздерді ұсынамыз.
- Дастарханды, тамақты баспа.
- Кісі мініне күлме, кемтарға күлме.
- Суды сапырма, суға дәретке отырма, суға түкірме.
- Көкті жұлма, шашыңды жұлма.
- Үй айнала жүгірме.
- Босағаны керме, құшақтама.
- Табалдырықты баспа, отырма.
- Үйді сабама, малда басқа сабама.
- Бейіт тұсынан шауып өтпе, жүгіріп өтпе.
- Бейітке қолыңды шошайтпа, оған қарап түзге отырма.
- Итке ожаумен ас құйма.
- Түнде үй сыпырма, түнде тырнағыңды алма.
- Үлкендердің жолын кеспе, сөзін бөлме.
- Бүйіріңді таянба, жер таянба, иегіңді таянба.
- Шашыңд жайма.
- Бетіңді баспа.
- Тізеңді құшақтама.
- Өтірік жылама.
- Жұлдызды, адамды санама.
- Сыпырғышты тік қойма.
- Қолыңды қусырма.
- Аққуды атпа.
- Адамға пышақ, мылтық кезенбе.
- Бос бесікті тербетпе.
- Құранды, тамақты баспа.
- Жақын адамға пышақ сыйлама.
- Тұзды, күлді баспа.
- Отты, күлді шашпа.
- Отпен ойнама, оттан аттама, отқа түкірме.
- Бейуақытта жылама,ұйықтама.
- Бейуақытта кісіге көңіл айтпа.
- Бөркіңді теріс киме.
- Шапанды желбегей жамылма.
- Үйде ысқырма.
- Үйге жүгіріп кірме.
- Ауылға атпен шауып келме.
- Мойныңа белбеу жіп салма.
- Айды қолыңмен көрсетпе.
- Құдыққа түкірме, ыдысқа түкірме, жоғары қарай түкірме.
(Жалғасы бар).
Дереккөз: Сейіт Кенжеахметұлы. «Жеті қазына» (1-кітап).
